ყოფილმა სამარცხვინო მთავარსარდალმა, უტიფარმა მიხეილ სააკაშვილმა და მისმა დეზინფორმატორმა ტელეარხმა მორიგი ბოროტი ტყუილი შეთითხნეს თავდადებულ ადამიანებზე, – ამის შესახებ ანალიტიკოსი გია აბაშიძე Facebook-ზე წერს.
„თითქოს დღეს, 22 აგვისტოს, უკრაინაში ვიზიტად მყოფი პრემიერ-მინისტრი ღარიბაშვილი და საქართველოს ოფიციალური დელეგაცია არ დაესწრო 1993 წელს, აფხაზეთის ომში დაღუპული უკრაინელი სამხედრო მოსამსახურის გასვენებას მშობლიურ ლვოვში. დაღუპულის იდენტიფიცირება ცოტა ხნის წინ მოხდა, – აცხადებს სააკაშვილის მარიონეტი ტელეარხი და არაფერს ამბობს იმაზე, რომ:
13 აგვისტოს, თბილისში, სამების საკათედრო ტაძარში, აფხაზეთის შეიარაღებული კონფლიქტის დროს უგზო-უკვლოდ დაკარგული 5 იდენტიფიცირებული პირის სამოქალაქო პანაშვიდი გაიმართა, რომელსაც საქართველოს ხელისუფლების, შეიარაღებული ძალებისა და საზოგადოების წარმომადგენლები ესწრებოდნენ. 1990-იანი წლების შეიარაღებული მოქმედებების შედეგად უგზო-უკვლოდ დაკარგული 5 იდენტიფიცირებული პირიდან 2 სამხედრო და 3 მშვიდობიანი მოქალაქე იყო. ერთ-ერთი მათგანი გახლდათ სწორედ ის უკრაინელი სამხედრო, რომელიც სამების ტაძრიდან სამშობლოში, ქალაქ ლვოვში გადაასვენეს და დღეს დაკრძალეს.
უგზო-უკვლოდ დაკარგული 5 იდენტიფიცირებული პირის გადმოსვენება მოხერხდა შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატისა და წითელი ჯვრის საერთაშორისო კომიტეტის (ICRC) ერთობლივი ძალისხმევით, ორმხრივი, ქართულ-აფხაზური საკოორდინაციო მექანიზმის ფარგლებში. ნეშტების ამოცნობა ICRC-ის ანთროპოლოგიური კვლევის შედეგად განხორციელდა.
საქართველოს ოფიციალური დელეგაცია ლვოვში იმყოფებოდა 21 აგვისტოს. დღეს დილიდან, როგორც ეს არაერთ მედიასაშუალებიდანაცაა თვალსაჩინო, ღარიბაშვილი ოფიციალურ შეხვედრებს მართავს კიევში, რამდენიმე კვირით ადრე, ორმხრივად შეთანხმებული ვიზიტის პროგრამის შესაბამისად.
ყველა თემით უნამუსოდ მოვაჭრე სააკაშვილისა და მისი მორჩილი ვასალების ტყუილებს ძალიან მოკლე საინფორმაციო „ფეხები“ აქვთ! ყველაფერში ფსევდოები!“ – წერს აბაშიძე.