რადიკალური მოძრაობა „თალიბანის“ ოფიციალურმა წარმომადგენელმა, ზაბიჰულა მუჯაჰიდმა განაცხადა, რომ ავღანელებს ქვეყნის დატოვების საშუალებას არ მისცემს.
„ის, რომ ავღანელები ქვეყანას ტოვებენ, ჩვენ ამას არ დავუშვებთ. ავღანელმა ექიმებმა და აკადემიკოსებმა არ უნდა დატოვონ ქვეყანა, მათ საკუთარ სფეროებში უნდა იმუშაონ. ისინი არ უნდა წავიდნენ სხვა ქვეყნებში, დასავლეთის ქვეყნებში“, – აღნიშნა ზაბიჰულა მუჯაჰიდმა.
„თალიბანის“ წარმომადგენელმა ავღანეთიდან მოქალაქეების გაქცევაში აშშ დაადანაშაულა.
„მივმართავთ ამერიკელებს, ნუ მოუწოდებთ ავღანელებს, რომ წავიდნენ. ჩვენ გვჭირდება მათი ნიჭი“, – აღნიშნა მან.
კომენტარები