ინდოეთში, კერძოდ უტარ-პრადეშის შტატში, უცნობი ვირუსის გამო, ხელისუფლებამ პირველიდან მე-8 კლასამდე მოსწავლეებისათვის სკოლები დაკეტა. ამის შესახებ გამოცემა India Today წერს.
დაავადებას ახასიათებს: მაღალი ტემპერატურა, თრომბოციტების რაოდენობის უეცარი ვარდნა, მძიმე დეჰიდრატაცია.
შტატის მთავარმა მინისტრმა იოგი ადიტიანათმა აღნიშნა, რომ სპეციალური სამედიცინო ჯგუფები იგზავნება იმ ადგილებში, სადაც დაავადება ვრცელდება.
დაავადების შედეგად გარდაცვლილთა საერთო რაოდენობამ რეგიონში 68 ადამიანს მიაღწია, მათგან 40 ბავშვია.
დაუდგენელი ვირუსული დაავადება, რომელმაც ინდოეთში გასულ კვირაში რამდენიმე ათეული ადამიანის იმსხვერპლა, სავარაუდოდ, დენგეს ცხელებით არის გამოწვეული, რომლის გადამტანებიც კოღოები არიან.
კომენტარები