გაეროს გენერალური ასამბლეის სესიაზე სიტყვით გამოსვლისას მოლდოვის პრეზიდენტმა, მაია სანდუმ რუსეთს დნესტრისპირეთიდან ჯარების გაყვანისკენ მოუწოდა.
„მსურს გავიმეორო, რომ ჩვენი პოზიცია დნესტრისპირეთიდან რუსული ჯარების სრული და უპირობო გაყვანის შესახებ უცვლელი რჩება“, – აღნიშნა მოლდოვის პრეზიდენტმა.
ამჟამად დნესტრისპირეთში დაახლოებით 1 400 რუსი სამხედროა განთავსებული.
„ეს პროცესი ასევე მოიცავს საწყობებში განლაგებული ტყვია-წამლის გატანას ან განადგურებას. ამ მიზნის მიღწევაში საერთაშორისო თანამეგობრობის მხარდაჭერის იმედი გვაქვს“, – განაცხადა მოლდოვის პრეზიდენტმა.
კომენტარები