“მე კარგად ვმუშაობდი ჯორჯ ბუშთან, ბარაკ ობამასთან, დონალდ ტრამპთან, თუმცა ვერ ვიტყვი, რომ ბატონ ბაიდენთან თანამშრომლობა კარგად დავიწყეთ”

თურქეთის პრეზიდენტმა, რეჯეფ თაიფ ერდოღანმა განაცხადა, რომ მისი თანამშრომლობა ამერიკელ კოლეგასთან, ჯო ბაიდენთან კარგად არ დაიწყო.

„მე კარგად ვმუშაობდი ჯორჯ ბუშთან, ბარაკ ობამასთან, დონალდ ტრამპთან, თუმცა ვერ ვიტყვი, რომ ბატონ ბაიდენთან თანამშრომლობა კარგად დავიწყეთ. ბაიდენმა იარაღის მიწოდება დაიწყო სირიაში ტერორისტული ორგანიზაციებისთვის. ამას გულგრილად ვერ ვუყურებთ“, – აღნიშნა თურქეთის პრეზიდენტმა.

თურქეთის ლიდერმა ასევე იმედი გამოთქვა, რომ თურქეთი და აშშ როგორც ნატოს ორი წევრი ერთმანეთს მეგობრულად მოეკიდებიან.

„ვერ ვიტყოდი, რომ თურქეთისა და ამერიკის ურთიერთობებში ჯანსაღი პროცესები მიმდინარეობს. ჩვენ ვიყიდეთ F-35-ი, გადავიხადეთ 1.4 მილიარდი დოლარი და ეს ავიაგამანადგურებლები ჩვენ არ მოგვცეს. აშშ-მა თავდაპირველად ეს უნდა მოაგვაროს“, – განაცხადა თურქეთის პრეზიდენტმა.