თურქეთის პრეზიდენტმა რეჯეფ თაიფ ერდოღანმა სირიაში აშშ-ის პოლიტიკა გააკრიტიკა. ინფორმაციას ამის შესახებ სააგენტო Anadolu ავრცელებს.
„ადრე თუ გვიან აშშ-ს მოუწევს, სირია დატოვოს და ეს მიწები სირიელ ხალხს დაუტოვოს“, – განაცხადა თურქეთის პრეზიდენტმა.
ერდოღანმა ახლო აღმოსავლეთისა და ჩრდილოეთ აფრიკის საკითხებში აშშ-ის პრეზიდენტის კოორდინატორს, ბრეტ მაკგარკს „ტერორისტების რეჟისორი“ უწოდა.
„ეს კაცი ტერორისტებთან ხელგადახვეული დადის“, – განაცხადა თურქეთის პრეზიდენტმა და აღნიშნა, რომ ანკარა შეშფოთებულია მაკგარკის კონტაქტებით იმ ტერორისტებთან, რომლებსაც თურქეთი ებრძვის.
კომენტარები