თავისუფლების მოედანზე მიხეილ სააკაშვილის გათავისუფლების მოთხოვნით გამართული აქცია დასრულდა. აქციის დასრულებამდე სიტყვით გამოვიდა „ნაციონალური მოძრაობის“ თავმჯდომარე ნიკა მელია.
მან მხარდამჭერებს შეკრებისთვის მადლობა გადაუხადა და ასევე აღნიშნა, რომ ახლა მთავარია არჩევნების მეორე ტური და 30 ოქტომბრისთვის მობილიზება. მისივე თქმით, ამომრჩევლებმა თავიანთი ხმა „ცოცხალი კედლით“ უნდა დაიცვან.
თავისუფლების მოედანზე ყოფილი პრეზიდენტის მხარდამჭერების აქცია 18:00 საათზე დაიწყო. ოპოზიციური პარტიების ნაწილი „ნაციონალური მოძრაობის“ მიერ ორგანიზებულ აქციას არ შეუერთდა. საზოგადოებრივი წესრიგისა და უსაფრთხოების დაცვის მიზნით კი პარლამენტის შენობის მიმდებარე ტერიტორიაზე შსს-ს სპეცდანაყოფები იყო მობილიზებული.
კომენტარები