ჩვენ გვყავს პრემიერ-მინისტრი, რომელმაც ევროკავშირთან ასოცირების შეთანხმებას მოაწერა ხელი, არა თავისთვის, არა ჩემთვის და ჩემნაირებისთვის, არამედ თქვენთვის – ახალგაზრდებისთვის, – ამის შესახებ საქართველოს ვიცე-პრემიერმა და კულტურის მინისტრმა, თეა წულუკიანმა „ქართული ოცნების“ შემაჯამებელ შეკრებაზე სიტყვით გამოსვლისას განაცხადა.
„ჩვენ ვართ ხელისუფლება, რომელმაც საზღვრები გახსნა ევროკავშირთან. ნატოსა და ევროკავშირის კარზე კაკუნი, რომელიც მატყუარა სააკაშვილმა კი არ დაიწყო, ეს დაიწყო იმ დიდმა ჯგუფმა ქართველი დიპლომატების, რომელიც ზოგი გარდაცვლილია და ზოგი ასაკშია. აი ეს კაკუნი ჩვენ ამ პროცესის შედეგით დავაყენეთ და არ დარჩა კაკუნად. წინ გრძელი გზაა, ევროპაში კუთვნილი ადგილის დამკვიდრებამდე, რაც ჩვენ შვილებს ნამდვილად ეკუთვნით“, – განაცხადა თეა წულუკიანმა.