“ჩემი ოჯახის წევრების სახელებით სპეკულაციის კასკადი მათი მხრიდან არ წყდება”

ზვიად გამსახურდიასა და კონსტანტინე გამსახურდიას ხსენება„ნაციონალური მოძრაობის“ მხრიდან მათი სახელების შეურაცხყოფაა, – ამის შესახებ საქართველოს პირველი პრეზიდენტის, ზვიად გამსახურდიას შვილმა, გიორგი გამსახურდიამ „იმედი LIVE“-ში განაცხადა.

„ნაციონალურმა მოძრაობამ“ ვერ შეძლო იმ რაოდენობის ხალხის მობილიზება, რაც გათვლილი ჰქონდათ. აბსოლუტურად უიმედოდ გამოიყურებოდა დღევანდელი სახელისუფლებო მხარდასაჭერი აქციის ფონზე და ეს მათ განწყობაზეც იგრძნობოდა. ჩვენდა სამწუხაროდ, ისევ გაჟღერდა ზვიად გამსახურდიასა და კონსტანტინე გამსახურდიას ფაქტორი. ჩემი ოჯახის წევრების სახელებით სპეკულაციის კასკადი მათი მხრიდან არ წყდება. ჩემთვის პირადად ეს არის დამამცირებელი, ზვიად გამსახურდიასა და კონსტანტინე გამსახურდიას სახელის შეურაცხყოფაა“, – განაცხადა გიორგი გამსახურდიამ.