დავიწყეთ მეორე ტურზე დაკვირვება. დღეს არჩევნების დღეა და ახლა არაა ის დრო, როცა მე და სხვა დიპლომატებმა პოლიტიკაზე უნდა ვილაპარაკოთ. დღეს მოქალაქეებმა უნდა გააკეთონ პოლიტიკა, იმიტომ რომ არჩევნებზე გადაწყვეტილებას იღებს ხალხი, – ამის შესახებ ევროკავშირის ელჩმა კარლ ჰარცელმა განაცხადა, რომელიც არჩევნების პროცესს თბილისის ერთ-ერთ საარჩევნო უბანზე აკვირდებოდა.
„მოვუწოდებ ყველა ამომრჩეველს აქტიურობისკენ. რაც უფრო მეტი ამომრჩეველი მოვა უბნებზე, მით უკეთესი იქნება. დიდი ხნის განმავლობაში ევროკავშირი აქტიურად მუშაობს იმისთვის, რათა საარჩევნო პროცესი გაუმჯობესდეს და იყოს სანდო. საბოლოო შეფასებას გავაკეთებთ, დაველოდებით ოდირის შეფასებას. არსებობს პოლარიზაცია და მას თან სდევდა ძალიან მწვავე რიტორიკა. ეს ხდებოდა მთელი საარჩევნო პროცესის განმავლობაში. როგორც არჩევნებამდე, ასევე არჩევნების შემდეგ შეიქმნას ხიდები და გაიზარდოს ნდობა ყველა მონაწილე მხარეს შორის, ვინაიდან ქვეყანა უნდა წავიდეს წინ და ამისთვის საჭიროა კონსულტაციები. მოხარული ვარ, რომ ადგილზეა ოდირის სრულფასოვანი მისია და მათთან ერთად მუშაობს ევროპარლამენტის მისია. ჩვენ დაველოდებით მათ შეფასებებს და შემდეგ ევროკავშირის წევრი ქვეყნების ელჩებთან ერთად ვიმსჯელოთ ამ ყველაფერზე“, – განაცხადა ჰარცელმა.