გაასაჯაროოს მიხეილ სააკაშვილმა თავისი პერსონალური მონაცემები და ვნახოთ ფეიკია მისი შიმშილობა, იღებს რამე დანამატებს თუ მართლა შიმშილობს, – ამის შესახებ „ქართული ოცნების“ აღმასრულებელმა მდივანმა მამუკა მდინარაძემ ჟურნალისტებთან განაცხადა.
„ისევე, როგორც გუშინ, დღესაც მოვუწოდებ მიხეილ სააკაშვილს, რომ პერსონალური მონაცემების გახმოვანების საშუალება მისცეს შესაბამის უწყებას. შემდეგ გავარკვიოთ ფეიკია მისი შიმშილობა, იღებს რამე დანამატებს, საკვებს თხევადი ფორმით თუ არა და მართლა შიმშილობს, ატყუებს თუ არა თავის ამომრჩეველს. ის გასაგებია, რომ სხვას ვერ ატყუებს, მე როგორ მჯერა მაგის შიმშილობის, ეს გასაგებია, მე შესაძლოა სუბიექტური ვარ, ეს გასაგებია. თავისი ამომრჩევლისთვის გაასაჯაროოს პერსონალური ინფორმაცია და ვნახოთ, იქნებ ჩვენ ვართ არასწორები და ტყუილად ვეჭვიანობთ, ყველაფერი შესაძლებელია. გაასაჯაროოს და ვნახოთ სინამდვილეში რასთან გვაქვს საქმე და ხომ არ აღმოჩნდება შემთხვევით, რომ მთელი თვის განმავლობაში შიმშილობაც კი ფეიკი დადგა“, – განაცხადა მამუკა მდინარაძემ.