პრემიერ-მინისტრის, ირაკლი ღარიბაშვილის განცხადებით, დღეს სხვადასხვა ადგილას, მათ შორის ზუგდიდში იყო გარკვეული პროვოკაციების მოწყობის მცდელობები, თუმცა პოლიცია არის მოწოდების სიმაღლეზე.
„დღეს ვნახეთ გარკვეული პროვოკაციების მოწყობის მცდელობები, მათ შორის ზუგდიდში. პოლიცია არის მოწოდების სიმაღლეზე და მათ ამისთვის მადლობას ვუხდი. არცერთ პროვოკატორს არ მივცემთ უფლებას, რომ საარჩევნო უბნებზე გარკვეული არეულობა, შფოთვა და ქაოსი შეიტანონ. მნიშვნელობა არ აქვს, რომელი პარტიის წარმომადგენელი იქნება ის – ყველას გაეცემა პასუხი კანონის შესაბამისად“, – განაცხადა მთავრობის მეთაურმა.
კომენტარები