საქართველოს მთავრობის მეთაურმა, ირაკლი ღარიბაშვილმა, საარჩევნო უბანზე საკუთარი პოზიციის დაფიქსირების შემდეგ, მედიის კითხვებს უპასუხა. მათ შორის იყო ჟურნალისტი, რომელმაც თქვა, რომ უკრაინულ ტელეარხს წარმოადგენდა. „ვინ აიღებს პასუხისმგებლობას სააკაშვილის სუიციდზე?“ – იკითხა მან, რაზეც პრემიერმა განაცხადა:
„პირველ ყოვლისა, გირჩევდით, რომ მეტად მოამზადოთ, გამოწვრთნათ საკუთარი თავი, რომ კითხები სწორად დასვათ, ეს ერთი. მეორე – პენიტენციური სისტემა და იუსტიციის სამინისტრო უზრუნველყოფს ნებისმიერი პატიმრის ჯანმრთელობას. საააკაშვილი არაა პრივილეგირებული. კანონი დაცული უნდა იყოს და ყველა ჩვენგანმა, ამ ქვეყნის ნებისმიერმა მოქალაქემ, მას პატივი უნდა სცეს“, – აღნიშნა პრემიერმა.
კომენტარები