“ქართული ოცნების” აღმასრულებელი მდივნის მამუკა მდინარაძის განცხადებით, ზურაბ გირჩი ჯაფარიძე, რომელიც არჩევნებში სიის პირველ ნომრად მონაწილეობს, საარჩევნო უბნებზე მედიის ბეიჯით გადაადგილდებოდა. ამის შესახებ მამუკა მდინარაძემ “ქართული ოცნების” ოფისში ბრიფინგზე განაცახდა.
მდინარაძის ცნობით, როგორც ზურა ჯაფარიძე ამბობდა, ის საარჩევნო პროცესს მედიასაშუალების წარმომადგენლის სტატუსით აკვირდებოდა.
“თბილისში, “ნაციონალური მოძრაობის” სიის პირველი ნომერი ზურაბ ჯაფარიძე მედია საშუალების ბეიჯით გადაადგილდება და ამბობს, რომ ის არის მედიასაშუალების წარმომადგენელი. წარმოიდგინეთ სიყალბის რა ხარისხთან გვაქვს საქმე. მეტი ფეიკი და სიყალბე ხომ არ შეიძლებოდა წარმოგვედგინა, მაგრამ ესეც ვნახეთ,”- აცხადებს მამუკა მდინარაძე.
შეგახსენებთ, დრ4ეს, 30 ოქტომბერს ქვეყანაში თვითმმართველობის არჩევნების მეორე ტური ტარდება. რამდენიმე საარჩევნო უბანზე გარკვეულ ინციდენტებს ჰქონდა ადგილი. ამ დროისთვის, ვითარება განმუხტულია.