რუსთავი არის მეგობრობისა და ერთიანობის ქალაქი, ყველამ ერთად უნდა შევძლოთ ქალაქის განვითარება და უკეთესი ხვალინდელი დღის შექმნა, – ამის შესახებ „ქართული ოცნების“ რუსთავის მერობის კანდიდატმა, ნინო ლაცაბიძემ „ქრონიკას“ განუცხადა.
„მინდა, მადლობა ვუთხრა თითოეულ რუსთაველს და იმ ადამიანებს, რომლებიც მოვიდნენ და უკვე მეორედ გამომიცხადეს ნდობა. მინდა, მადლობა გადავუხადო ჩემი გუნდის თითოეულ წევრს. დარწმუნებული ვარ, რომ გავამართლებ რუსთაველების იმედებს. ჩემი მერობის პირველივე დღიდან აქტიურად და განსაკუთრებულად დავიწყებ მუშაობას იმ ადამიანებთან, რომელებმაც ხმა ოპოზიციონერ კანდიდატს მისცეს, რადგან ჩვენ ვთვლით, რომ ეს ქალაქი არის მეგობრობის, ერთიანობის და ყველამ ერთად უნდა შევძლოთ ქალაქის განვითარება და უკეთესი ხვალინდელი დღის შექმნა“, – განაცხადა ნინო ლაცაბიძემ.