მსოფლიოს 20 უმსხვილესი ეკონომიკის მქონე ქვეყნების ლიდერებმა საერთაშორისო შეთანხმება დაამტკიცეს, რომლის მიხედვით მსხვილი ბიზნესის მოგება მინიმუმ 15%-ით დაიბეგრება. ამრიგად, G20-ის ქვეყნებს სურთ უზრუნველყონ, რომ ტრანსნაციონალურმაკომპანიებმა გადაიხადონ მეტი გადასახადები და არ გაექცნენ მათ ოფშორებში გადასვლით.
მინიმალური 15%-იანი გადასახადის თაობაზე ყველა ის ლიდერი შეთანხმდა, რომლებიც რომში „დიდი ოცეულის“ სამიტში მონაწილეობდნენ. ეს საგადასახადო ინოვაცია, რომელიც თავდაპირველად აშშ-ის მიერ იქნა შეთავაზებული, სავარაუდოდ 2023 წლისთვის შევა ძალაში.
აშშ-ის ხაზინის მდივნის ჯანეტ იელენისგანცხადებით, შეთანხმება ისტორიული იქნება გლობალური ეკონომიკისთვის. მისი პოზიციით, შეთანხმების შედეგად ისარგებლებს ამერიკული ბიზნესი და ზოგადად რიგითი მუშაკები, თუმცა ამერიკულ მეგაკომპანიებს მეტი გადასახადის გადახდა მოუწევთ.