რესპუბლიკურ საავადმყოფოს ყოველდღიურად 80-მდე პაციენტი მომართავს, მათგან დაახლოებით 30 მიეკუთვნება საკარანტინე სივრცეებიდან გადმოყვანილ პაციენტებს, რომლებსაც კვლევისთვის ვიღებთ და შემდეგ ვაბრუნებთ კოვიდსასტუმროებში, დანარჩენი რჩება ჰოსპიტალში, – ამის შესახებ „ქრონიკაში“ რესპუბლიკური საავადმყოფოს დირექტორის მოადგილე, ჯავარა უგრეხელიძემ განაცხადა.
მისივე თქმით, შემთხვევების მატებასთან ერთად, რესპუბლიკურ საავადმყოფოში დატვირთვა გაიზარდა. „ამ დროისთვის 280-მდე პაციენტი გვყავს. აქედან 75 საჭიროებს ინტენსიურ და რეანიმაციულ მოვლას – 30 პაციენტი გვყავს ხელოვნური სუნთქვის აპარატზე“, – აღნიშნა ჯავარა უგრეხელიძემ.
კომენტარები