ის, რაც 7 ნოემბერს მოხდა, აღარასოდეს უნდა განმეორდეს – საზოგადოება და ქართველი ხალხი ამ ქვეყანაში აღარავის აღარასოდეს არაფერს აარევინებს, – ამის შესახებ მომღერალმა და ტელეწამყვანმა გია გაჩეჩილაძემ 7 ნოემბერს დაგეგმილ აქციაზე საუბრისას „ქრონიკაში“ განაცხადა.
მან აღნიშნა, რომ 7 ნოემბრის ძალადობა ყველას კარგად ახსოვს, მაგრამ ამ აქციის მიზანია ყველამ გაიგოს, რომ ქვეყნაში ვერავინ ვეღარაფერს არევს.
„ეს არ არის მხოლოდ ის, რომ ვიღაცის რაღაცის შეხსენება სჭირდებოდეს, ეს რომ აღარ უნდა განმეორდეს, ამაზე ყველანი ვთანხმდებით. ის, რაც 7 ნოემბერს მოხდა, აღარასოდეს უნდა განმეორდეს. აქ ყველაზე მნიშვნელოვანი ის არის, რომ ეს ადამიანები იგივე მეთოდებით მიუყვებიან ცხოვრებას. პირველ რიგში, ყველამ უნდა იცოდეს, რომ საზოგადოება და ქართველი ხალხი ამ ქვეყანაში აღარავის აღარასოდეს არაფერს აარევინებს. ეს სათქმელი და სატკივარი მაქვს, რომ 30-წლიანი ისტორიის გამოცდილებით, ჩვენ კიდევ თავიდან არ მოგვიწიოს რაღაცების გავლა. ამ ყველაფერს ბევრი ადამიანი უფრთხის, რომ ისევ 90-იან წლებში არ გადაგვისროლონ.
ამ ქვეყანაში არეულობა ვის და რომელ ქვეყანას სჭირდება, კარგად ვიცით. მე შემიძლია ვთქვა, რომ არ აგარევინებთარავის არაფერს. ყველას შეუძლია მოთმინებით იყოს, ყველას შეუძლია ციხეში იყოს, ციხის გარეთ იყოს, იშიმშილოს ან არ იშიმშილოს, მოითმინოს. ძალიან ბევრ ადამიანს მოუთმენია ამ ქვეყანაში, ვისაც არ ნდომებია კონკრეტულ მოცემულობაშიხელისუფლება, ძალიან დიდი ხანი უთმენია იმის გამო, რომ არ განმეორებულიყო 90-იანი წლები ამ ქვეყანაში“, – განაცხადა გია გაჩეჩილაძემ.