სულ მცირე ორი ადამიანი დაიღუპა ახალ ზელანდიაში მომხდარი ორი მიწისძვრის შედეგად. პირველი მიწისძვრის მაგნიტუდამ 7,8 შეადგინა. შემდეგ მას რამდენიმე “აფტერშოკი“ მოჰყვა, ყველაზე ძლიერის მაგნიტუდა 6,2 იყო. ამის შესახებ სააგენტო „როიტერი“ იუწყება.
„ბი-ბი-სის“ ცნობით, მიწისძვრამ დამბა დაანგრია. წყლის ნაკადები მდინარე კლარენსში ჩაიღვარა, რის გამოც ქალაქ კაიკოურას საფრთხე შეექმნა. ადგილობრივმა ხელისუფლებამ მოსახლეობას მოუწოდა, რაც შეიძლება უფრო ამაღლებულ ადგილებში წავიდეს.
კომენტარები