რომის პაპი, კუნძულ ლესბოსზე, დროებით მიმღებ ცენტრში, მიგრანტებსა და ლტოლვილებს შეხვდება, – ამის შესახებ Reuters-ი წერს.
მავროვუნის ბანაკს თავს 2 300-მდე ადამიანი აფარებს. მათი უმეტესობა ავღანელია. ბანაკში მცხოვრები კათოლიკეები პაპის დაგეგმილ ვიზიტს იმედით ელიან.
„ამ ვიზიტით, შესაძლოა, რაღაც შეიცვალოს. ვლოცულობთ, რომ ის შეძლებს საბერძნეთის მთავრობასთან და თავშესაფრის მაძიებელთა საკითხებზე მომუშავე სისტემასთან დაკავშირებას, რათა აცნობოს, რომ აქ მეტი ხნით ვინმეს გაჩერება შეუძლებელია. ჩვენ უბრალოდ ახალი, კარგი ცხოვრების დაწყება გვინდა“, – ამბობს 24 წლის ქალი, რომელიც 2018 წელს კამერუნიდან ჩავიდა საბერძნეთში.
კომენტარები