„ფაქტია, რომ „ნაციონალური მოძრაობის“ ბოიკოტი ამაო იყო და ვერაფერს გახდნენ. თან, ეს როგორი ბოიკოტი იყო: მოდიოდნენ, კომიტეტის დაწყების წინ, ხელს მოაწერდნენ და მიდიოდნენ. ხელს იმიტომ აწერდნენ, რომ ხელფასები არ დაქვითოდათ. მაგისთვის მოდიოდნენ პარლამენტში, მაგრამ არც კომიტეტის სხდომას ესწრებოდნენ და არც პარლამენტის საქმიანობაში არ მონაწილეობდნენ“, – განაცხადა „მოქალაქეების“ ლიდერმა, ალეკო ელისაშვილმა „ქრონიკასთან“ საუბრისას.
მისი თქმით, „პარლამენტი ფულის საკეთებელი ადგილი არ არის“.
„პარლამენტი არის ადგილი, სადაც ხალხსა და მათ პრობლემებზე უნდა ვფიქრობდეთ. პარლამენტი იმისთვის არაა, რომ მარტო „მიშა, მიშას“ ყვიროდე, არც – ფულის საკეთებლად, არც მაგიდაზე შემოსახტომად. თუ ყველა მოვინდომებთ, „ქართული ოცნებაც“ და ოპოზიციაც, რომ საქმე ვაკეთოთ, შეგვიძლია, რომ ამ ღარიბი ქვეყნის მიხედვა პარლამენტიდან დავიწყოთ“, – განაცხადა ალეკო ელისაშვილმა.