განიხილავენ თუ არა 27 წლის ანასტასია შატალოვას მკვლელობის საქმეს ნაფიცი მსაჯულები? ამ საკითხზე გადაწყვეტილებას თბილისის საქალაქო სასამართლოში დღეს მიიღებენ.
მკვლელობაში ბრალდებულის ადვოკატი გამოძიების მოპოვებული მტკიცებულებების, კერძოდ, გავრცელებული ვიდეოჩანაწერის დაუშვებლად ცნობას ითხოვს და ამტკიცებს რომ განსასჯელის სკამზე მსხდომებს ახალგაზრდა ქალის მკვლელობასთან კავშირი არ აქვთ.
ადვოკატები ბექა ლატარიას სისხლის სამართლებრივი დევნის შეწყვეტასაც მოითხოვენ. პროკურატურა ანასტასია შატალოვას განზრახ მკვლელობას 3 პირს ედავება.
ცნობისთვის, 18 ოქტომბერს, თბილისში ახალგაზრდა ქალი, სადარბაზოსთან ჩაცხრილეს. შატალოვას, რომელიც გაზაფხულის ქუჩაზე, 3 წლის შვილთან ერთად, ცხოვრობდა, ჯერ ჩაუსაფრდნენ და თავს მაშინ დაესხნენ, როცა გვიან ღამით სახლში ბრუნდებოდა.