“სააკაშვილი პენტჰაუსებს ყიდულობს – საზოგადოება ძალიან კარგად ხედავს, ვინ როგორ გამოიყენა ხელისუფლებაში ყოფნა სათავისოდ”

„საზოგადოებამ ძალიან კარგად იცის, რომ სხვადასხვა კონტინენტზე სააკაშვილი ყიდულობს პენტჰაუსებს და აგროვებს ძვირადღირებულ, რამდენიმე ათეული მილიონი დოლარის ღირებულების უძრავ ქონებას”, – ამის შესახებ საპარლამენტო უმრავლესობის წევრმა, რატი იონათამიშვილმა “იმედის” ეთერში საუბრისას განაცხადა.

მისივე თქმით, საზოგადოება ძალიან კარგად ხედავს, ვინ როგორ გამოიყენა ხელისუფლებაში ყოფნა სათავისოდ.

„საზოგადოებამ ძალიან კარგად იცის, რომ სხვადასხვა კონტინენტზე სააკაშვილი ყიდულობს პენტჰაუსებს და აგროვებს ძვირადღირებულ, რამდენიმე ათეული მილიონი დოლარის ღირებულების უძრავ ქონებას. ეს არის ფაქტი. ეს ფული არის ის თანხები, რომელიც კორუფციული გზებით არის თავის დროზე მოპოვებული და რომელიც წაართვეს საქართველოს და ჩვენს მოსახლეობას. ამ ადამიანებს არ აქვთ განცდა, რომ რაიმე ჩაიდინეს, იქიდან გამომდინარე, რომ მათი ცხოვრების წესი იყო ეყვლიფა ჩვენი მოსახლეობა და ეყვლიფა საქართველოს ბიუჯეტი და სახელმწიფოს ბიუჯეტი საკუთარი ოჯახის ბიუჯეტად ჩაეთვალათ. ფაქტი არის, რომ ამ ადამიანების ქონება ძალიან საეჭვოდ ათეულობით მილიონ დოლარს აღემატება და ალბათ კიდევ უფრო მეტია. საზოგადოება ძალიან კარგად ხედავს, ვინ როგორ გამოიყენა ხელისუფლებაში ყოფნა სათავისოდ“, – განაცხადა იონათამიშვილმა.