ჰოლივუდის მსახიობს, ზაქარი ჰორვიცს (იგივე ზაკ ევერის) რომელმაც აღიარა, რომ მართავდა მრავალმილიონიან პონცის სქემას, 20 წლით თავისუფლების აღკვეთა მიესაჯა, – ამის შესახებ CNN-ი წერს.
გამოძიების ინფორმაციით, მან ინვესტორებისგან დაახლოებით 650 მილიონი დოლარი მიიღო ცრუ დაპირებებით, რომ HBO-სა და Netflix-ის სალიცენზიო უფლებებს შეიძენდა.
სახელმწიფო ბრალდება ამტკიცებდა, რომ 35 წლის მსახიობი თანხის ნაწილს პირად ანგარიშზე ირიცხავდა, მოგვიანებით კი, პირადი კეთილდღეობისთვის მოიხმარდა.
ის რამდენიმე ფილმში, მათ შორის Trespassers-სა და The White Crow-შია გადაღებული.
პონცის სქემა (ასევე პონცის ფინანსური პირამიდა), საინვესტიციო აფიორაა, რომელიც ინვესტორებს ამონაგებს უხდის საკუთარი ინვესტიციიდან ან მომდევნო ინვესტორების მიერ გადახდილი ფულიდან, ფაქტობრივად მოპოვებული მოგების ნაცვლად. ტერმინი „პონცის სქემა“ ძირითადად აშშ-ში გამოიყენება (სხვა ქვეყნებში მას არ განასხვავებენ პირამიდული სქემისგან). სახელი მომდინარეობს ჩარლზ პონცისგან, რომელიც იყო სკანდალურად ცნობილი ემიგრანტი იტალიიდან. მან ეს სქემა 1911 წელს გამოიყენა.