“ნაციონალური მოძრაობის” წევრი ნონა მამულაშვილი “ჯორჯიან თაიმსის” ეთერში მომხდარი ფიზიკური დაპირისპირების გამო საზოგადოებას ბოდიშს უხდის.
“პირველ რიგში, მინდა საზოგადოებას მომხდარის გამო ბოდიში მოვუხადო. ბოდიში, თუ ჩემი ქმედებით შეურაწყე მაყურებელი. როდესაც მე ვუყურებ რა ხდება დღეს უკრაინაში, როცა დღეს, ვნახე ძალიან ბევრი დახოცილი ადამიანები, ბავშვები, გაუპატიურებული ქალები და ჩვენი მებრძოლები ამ ყველაფრის ფონზე უკრაინაში ყველაფერს წირავენ, ასევე ისინი ყოველდღე იმისთვის იბრძვიან, რომ ჩვენი სახელმწიფოებრიობა გადაარჩინონ ხოლო ამ ყველაფრის ფონზე ეს ადამიანი [დავით ლორია] ეჭვქვეშ აყენებს იმას, თუ ვინ დაიწყო ომი. ასევე, მიუღებელია განცხადება, რომ უნდა შეეკავებინა თუ არა ომის დაწყებისგან ზელენსკის თავი. ამიტომ, ბოდიში ემოციურობისთვის, მაგრამ ღალატს ამისთანა ფორმით ვერ დავუშვებ და იმ ეთერში, სადაც ვიქნები ყოველთვის საკადრის პასუხს მიიღებს ის ადამიანი, ვინც კი დააშავებს,” – განაცხადა ნონა მამულაშვილმა.
ცნობისთვის, რამდენიმე წუთის წინ “ნაციონალური მოძრაობის” წევრი ნონა მამულაშვილი “ჯორჯიან თაიმსის” პირდაპირ ეთერში დავით ლორიას ფიზიკურად გაუსწორდა. რესპონდენტებს შორის სიტყვიერი დაპირისპირება გადაცემაში გამართული დიალოგის დროს დავით ლორიას მიერ უკრაინაში ქართველ მებრძოლებთან დაკავშირებით გაკეთებული განცხადება გახდა.