რუსეთის ქმედებების საპასუხოდ ვთხოვეთ ჩვენს სამხედრო მეთაურებს, შემოგთავაზონ ვარიანტები, რასაც ვუწოდებთ გადატვირთვას, ნატო-ს გრძელვადიან ადაპტაციას, – ამის შესახებ ნატოს გენერალურმა მდივანმა, იენს სტოლტენბერგმა ბრიტანულ გამოცემა „ტელეგრაფთან“ინტერვიუში განაცხადა.
სტოლტენბერგის თქმით, ალიანსი არის „ძალიან ფუნდამენტური ტრანსფორმაციის შუაგულში“, რომელიც ასახავს უკრაინაში ვლადიმერ პუტინის ომის „გრძელვადიან შედეგებს“.
ნატო-ს გენერალური მდივნის განცხადებით, რუსეთის აგრესიის შესაკავებლად, ნატო-ს აღმოსავლეთ საზღვრებზე სამხედრო ძალების მუდმივი განთავსება იგეგმება.
„რასაც ახლა ვხედავთ არის ახალი რეალობა, ევროპული უსაფრთხოების ახალი ნორმა. ამიტომ, ჩვენ ვთხოვეთ ჩვენს სამხედრო მეთაურებს შემოგთავაზონ ვარიანტები, რასაც ჩვენ ვუწოდებთ გადატვირთვას, ნატო-ს გრძელვადიან ადაპტაციას. ნატო არის ყველაზე წარმატებული ალიანსი ისტორიაში ორი მიზეზის გამო. “რუსეთის ქმედებების საპასუხოდ ვთხოვეთ ჩვენს სამხედრო მეთაურებს, შემოგთავაზონ ვარიანტები, რასაც ვუწოდებთ გადატვირთვას პირველ რიგში, ჩვენ შევძელით ევროპისა და ჩრდილოეთ ამერიკის გაერთიანება. მეორეც, ჩვენ შევძელით შეცვლა, როდესაც სამყარო შეიცვალა. ახლა სამყარო იცვლება და ნატოც იცვლება“, – თქვა სტოლტენბერგმა.
ჩრდილოატლანტიკური ალიანსის ხელმძღვანელი შეშფოთებას გამოთქვამს, რომ რუსეთს და ჩინეთი სულ უფრო ხშირად მუშაობენ ერთად. სტოლტენბერგის განაცხადებით, ნატო-ს 2010 წლის სტრატეგიაში ჩინეთი ნახსენები საერთოდ არ არის, რაც ასევე შეიცვლება, რადგან ჩინეთის მზარდ საფრთხეს ყურადღება უნდა მიექცეს.