შვეიცარიის საბაჟო ორგანოები რუსეთში წარმოებული 3,1 ტონა ოქროს იმპორტის საკითხს განიხილავენ. ოქროს ღირებულება $202 მილიონია. ის შვეიცარიაში ბრიტანეთიდან მაისში შეიტანეს. ეს რუსული ოქროს შვეიცარიაში იმპორტის პირველი შემთხვევაა მას შემდეგ, რაც რუსეთი უკრაინაში შეიჭრა, – ამის შესახებ Al Jazeera წერს.
შვეიცარიის საბაჟო და სასაზღვრო უსაფრთხოების ფედერალური ოფისი განმარტავს, რომ, იურიდიული მიზეზების გამო, ვერ ასახელებენ, ვინ შეიტანა რუსული წარმოშობის ოქრო გაერთიანებული სამეფოდან.
უწყება განმარტავს, რომ შვეიცარიამ მიიღო ევროკავშირის პრაქტიკულად ყველა სანქცია რუსული კომპანიებისა და ფიზიკური პირების წინააღმდეგ. სანქციების თანახმად, რუსეთიდან ოქროს იმპორტი აკრძალულია. 7 მარტიდან, რუსეთში წარმოებული ოქროს ზოდებით ვაჭრობა შვეიცარიაში აკრძალულია, თუმცა ეს არ ეხება 2022 წლის 7 მარტამდე ჩამოსხმულ ზოდებს.