ძლიერმა ქარმა რუსთავში, გვიან ღამით, სახურავები დააზიანა, მრავალწლოვანი ხეები მოტეხა და გარეგანათების ელექტროსადენები მოგლიჯა.
ქარმა მე-7ა მიკრორაიონსა და სარაჯიშვილის ქუჩაზე საცხოვრებელ სახლებს სახურავები ახადა. მშენებელთა და რუსთაველის ქუჩებზე, კი ხეები მოტეხა. სტიქიამ ცენტრალურ პარკშიც მოტეხა ხეები და დააზიანა „ოქსიგენ ფესტისთვის“ დამონტაჟებული სცენა და ინფრასტრუქტურა.
ადგილებზე მობილიზებულნი იყვნენ რუსთავის მერიის შესაბამისი სამსახურები. სტიქიის სალიკვიდაციო სამუშაოებს მთელი ღამის განმავლობაში აწარმოებდნენ „რუსთავ-სერვის ცენტრის“ თანამშრომლები და საგანგებო სიტუაციების მართვის სამსახურის სახანძრო-სამაშველო ბრიგადები.
კომენტარები