„ამ ქვეყანაში ქაოსი, არეულობა, ომი უნდა რუსეთს, ჩვენი პარტნიორი ქვეყნის ელჩს, კელი დეგნანს, ნამდვილად დავეთანხმები ამაში, რომ მართლაც რუსული ნარატივია ომის ნარატივი ამ ქვეყანაში. თუკი ვინმეს უნდა, რომ ომი და ქაოსი იყოს, საბოლოო ჯამში ეს მიდის რუსულ ინტერესებთან და ამიტომ არის რუსული ნარატივი“,- ამის შესახებ „ქართული ოცნების“ აღმასრულებელმა მდივანმა მამუკა მდინარაძემ “პირველი არხის” გადაცემაში „აქტუალური შაბათი – მაკა ცინცაძესთან ერთად“ საუბრისას განაცხადა.
კითხვაზე, თუ ოპოზიცია ასეთი მძლავრია, რომ გარე სპექტრში ახერხებს ასეთი ჩანაწერების განხორციელებას, რატომ ვერ მოახერხა მმართველმა გუნდმა შესაბამისი არგუმენტების წარდგენა და გაბათილება მამუკა მდინარაძემ უპასუხა: „ნაცმოძრაობა“ კი არ არის ასეთი ძლიერი, მათი დავალებების მიმცემები არიან, ლობისტებს რომ ვეძახით. ის ხალხი, ვინც ამას აკეთებს და შემდეგ მესიჯებითაც და განცხადებებითაც უჭერს მხარს არიან მათი დავალების მიმცემები.