ეს არის უბრალოდ ქარის წისქვილთან ბრძოლა, რასაც ახლა აწარმოებს ოპოზიცია. ეს არის უბრალოდ სურვილი, რომ დღის წესრიგში დარჩნენ რაღაც თემით, – ამის შესახებ პარლამენტის თავმჯდომარე, შალვა პაპუაშვილმა ჟურნალისტებთან განაცხადა.
„პარლამენტი მუშაობს, სხდომები ტარდება, ყველა თემასთან დაკავშირებით ჯგუფები იქმნება და მიდის მუშაობა. სხვა ვერც კი ვხვდები რაზე საუბრობენ – რიგგარეშე სხდომა რომ მოიწვიონ, იმ სხდომაზე რა უნდა მოხდეს? პარლამენტის რიგგარეშე სხდომა არ არის სახალხო თავყრილობა, სადაც ადამიანები შეიკრიბებიან, ადგილზე იდეებს განავითარებენ და შემდეგ კანონებად აქცევენ“, – განაცხადა პაპუაშვილმა.
პარლამენტში, ევროკომისიის რეკომენდაციების 12 პუნქტის შესრულებაზე მუშაობა მიმდინარეობს. რადიკალური ოპოზიცია კი, ევროპას ისევ ბოიკოტს უცხადებს. „ნაციონალური მოძრაობა“, „ლელო“ და „სტრატეგია აღმაშენებელი“ სამუშაო ჯგუფების მუშაობაში არ ერთვებიან, თუმცა ვერც ალტერნატიულ გეგმაზე ჩამოყალიბდნენ.