საკონსტიტუციო კომისიის მუშაობის პარალელურად, საქართველოს პრეზიდენტი საკონსტიტუციო ცვლილებებთან დაკავშირებით საყოველთაო სახალხო განხილვის ფორმატის „აქტიურად ამუშავებას“ გეგმავს.
ამის შესახებ პრეზიდენტის ადმინისტრაციის უფროსმა გიორგი აბაშიშვილმა განაცხადა, რომელმაც განმარტა, რომ ქვეყნის პირველი პირი და მისი ადმინისტრაციის წარმომადგენლები პარლამენტის მიერ შექმნილი კომისიის მუშაობაში ჩართვას არ გეგმავენ.
”საქართველოს პრეზიდენტი და პრეზიდენტის წარმომადგენლები თავს შეიკავებენ საკონსტიტუციო კომისიაში მონაწილეობის მიღებისგან, თუმცა ხაზგასმით აღვნიშნავთ, რომ ჩვენ აქტიურად ავამუშავებთ ამ თვალსაზრისით არსებულ ერთადერთ საკონსტიტუციო ფორმატს, კონსტიტუციური ცვლილებების საყოველთაო სახალხო განხილვას”, – განაცხადა გიორგი აბაშიშვილმა.
კომენტარები