შვეიცარიულ ბანკსა და ბიძინა ივანიშვილს შორის მიმდინარე სამართლებრივ დავას გოგა ხაინდრავა ეხმიანება. კინორეჟისორი აცხადებს, რომ თემაზე განმარტებები საქართველოში შვეიცარიის ელჩმაც უნდა გააკეთოს .
რეზონანსულ საქმეზე ცნობილია ბიძინა ივანიშვილის ადვოკატების პოზიცია, რომლებმაც განაცხადეს, რომ დავის ფარგლებში მხოლოდ სასამართლოს გზით იბრძოლებენ, პროცესში კი სახელმწიფო ინსტიტუტების ჩართვას გამორიცხავენ.
„მიუხედავად იმისა, რომ საერთაშორისო სასამართლოებმა არაერგზის გამოიტანეს განაჩენი იმასთან დაკავშირებით, რომ მათ შეწყვიტონ ყაჩაღობა, რომელსაც ჩადიან, ამ ყაჩაღობაში ჩაერთო შვეიცარიის მართლმსაჯულება და მისი გადაწყვეტილება არის ზუსტად ისეთივე ასე ვთქვათ უკანონო და ყაჩაღური, როგორიცაა „კრედიტი სუისის“ ყველა მოქმედება.
როდესაც პოლიტიკური, სამართლებრივი, საბანკო და მედია ერთ ხმაში მღერის რაღაც მელოდიას, ნიშნავს, რომ მას ჰყავს დირიჟორი – ეს ცალსახაა და ეს დირიჟორი არ არის შვეიცარიაში. 2 დღის წინ მოვისმინე ოპოზიციის მოთხოვნა შვეიცარიის ელჩის მიმართ, რომ ელჩი გამოვიდეს და ახსნას, რა ხდება შვეიცარიაში ბიძინა ივანიშვილთან მიმართებაში. მეც ვფიქრობ, რომ ეს ძალიან საჭიროა, რადგან ელჩებს უნდა ესმოდეთ, რომ მათი არსებობა და საქმიანობა ნებისმიერ ქვეყანაში არის პირველ რიგში ახსნები, ურთიერთობების დალაგება და არავითარ შემთხვევაში, ჭკუის სწავლება“, – განაცხადა ხაინდარავამ.