„დარწმუნებული ვარ, პრემიერის ოფიციალური ვიზიტი გერმანიაში იქნება ძალიან ძლიერი იმპულსი იმისთვის, რომ ჩვენ, როგორც ორმხრივ ფორმატში, ისე ჩვენი ევროპული ინტეგრაციის მიმართულებით, მუშაობა გავაძლიეროთ და ჩვენი მეგობარი ქვეყნის მობილიზება მოვახდინოთ“, – ამის შესახებ საგარეო საქმეთა მინისტრმა, ილია დარჩიაშვილმა გერმანიაში საქართველოს პრემიერ-მინისტრის ვიზიტის შეფასებისას განაცხადა.
მინისტრის თქმით, განსაკუთრებით ამ რთულ პერიოდში, გერმანიას – როგორც ერთ-ერთ ძლიერ ქვეყანას ევროკავშირის წევრ ქვეყნებს შორის, აქვს ძლიერი ხმა და საქართველოსთვის გერმანიასთან ინტენსიური თანამშრომლობა პოლიტიკურ დონეზე ძალიან მნიშვნელოვანია.
საქართველოს პრემიერ-მინისტრი ირაკლი ღარიბაშვილი, გერმანიის ფედერაციულ რესპუბლიკაში ვიზიტის ფარგლებში, შეხვედრებს გამართავს პრეზიდენტ ფრანკ ვალტერ შტაინმაიერთან და კანცლერთან, ოლაფ შოლცთან, რის შემდეგაც საქართველოს პრემიერისა და ფედერალური კანცლერის ერთობლივი პრესკონფერენცია გაიმართება.