„ნაციონალურ მოძრაობაში“ ფაქტობრივად უკვე აღიარებით ჩვენებებს იძლევიან, რომ რეალურად პოლიტიკაში შავი ფულით მოქმედებენ,- ამის შესახებ საპარლამენტო უმრავლესობის წევრმა რატი იონათამიშვილმა განაცხადა.
მისივე თქმით, ოპოზიციური პარტიის წარმომადგენლების მიდგომა მათ კრიმინალურ ბუნებაზე მიანიშნებს.
„ნაციონალურ მოძრაობაში“ ფაქტობრივად უკვე აღიარებით ჩვენებებს იძლევიან, რომ რეალურად პოლიტიკაში შავი ფულით მოქმედებენ. ის, რომ კეზერაშვილი არის კრიმინალური ფულით, მოსახლეობის რეკეტით, ძარცვით, ასევე, ჩვენი გმირი სამხედროების ხარჯზე გამდიდრებული, არის ერთი საკითხი. ხოლო ამის გაგრძელება ის არის, რომ მსგავსი მიდგომა, რომელიც ბატონ ხაბეიშვილს და დანარჩენებს გააჩნიათ, კიდევ ერთხელ მათ რეალურ კრიმინალურ ბუნებაზე მიანიშნებს.
„ნაციონალურ მოძრაობაში“ დაპირისპირება და ბრძოლა გავლენის მოსაპოვებლად გრძელდება. რა როლი აქვს ამ პროცესში დავით კეზერაშვილს – კვლავ მთავარ კითხვად რჩება. ამ კითხვას პასუხი ნაწილობრივ ლევან ხაბეიშვილმა უკვე გასცა. ერთ-ერთ გამოცემასთან ინტერვიუში მან დაადასტურა, რომ გარკვეულ აქტივობებს და ზოგიერთ ოპოზიციონერს სწორედ კეზერაშვილი აფინანსებს. „ქართული ოცნებისთვის“ თავდაცვის ყოფილი მინისტრის ფინანსები ქართულ პოლიტიკაში შავ ფულს ნიშნავს.