თბილისის საკრებულოს წევრის, ალეკო ელისაშვილის მიერ თედო კობახიძის გადადგომის მოთხოვნის საკითხს უმრავლესობის წევრი გია ვოლსკი “რუსთავი”-ის ეთერში ჩართვისას გამოეხმაურა.
,,მოვისმინე ალეკო ელისაშვილის შეტევა მანანა კობახიძეზე, ეკა ბესელიაზე. კომპეტენტურმა გამოძიებამ დაადასტურა, რომ ალეკო ელისაშვილი ცრუობდა, როდესაც ზეწოლაზე საუბრობდა. აქედან გამომდინარე, გადადგომაზე საუბარი, არ ვიცი იქ რა ხდება, თედო კობახიძესთან დაკავშირებით, არის საკმაოდ პოპულისტური, სულ მცირე“- განაცხადა გია ვოლსკიმ.
მისი თქმით, თედო კობახიძის მიმართ გადადგომის მოთხოვნა ზნეობის საკითხია და მის მიმართ წაყენებული ყველა ბრალდება უსაფუძვლოა.
,,ასე, რომ არავითარი ბრალდება, რომელსაც იმეორებს დღითიდღე, მეგონა, შერცხვებოდა და არ იტყოდა არაფერს ამაზე. იყო უსაფუძვლო ბრალდებები. დადასტურდა ეს და ვერანაირი მტკიცებულება, რასაც ხმამაღლა და გულში მჯიღის ცემით ამბობდა, ის არ გამოდგა მართალი. აქედან გამომდინარე, ყველანაირი განმარტებები და კომენტარები, მე ვფიქრობ, რაღაც ზნეობის საკითხს უკავშირდება და გადადგომის თემა, მითუმეტეს,“- აცხადებს გია ვოლსკი.