“გრიპის მიმდინარეობას ახასიათებს გარკვეული ტალღურობა – შესაძლებელია, თებერვალში იყოს ინფექციის გავრცელების ზრდა”, – ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
მისივე თქმით, გრიპის საწინააღმდეგო ვაქცინით 170 ათასზე მეტი ადამიანია აცრილი.
“გარკვეული სტაბილიზაცია ჩანს. სეზონურად გრიპის მიმდინარეობას ახასიათებს გარკვეული ტალღურობა. შესაძლებელია, თებერვალში იყოს ინფექციის გავრცელების ზრდა. ჯერ ამაზე საუბარი ადრეა. მიმდინარე ეტაპზე, კიდევ უფრო მეტი გავრცელება აღარ უნდა იყოს, ნოემბრის ბოლო კვირა და მიმდინარე პერიოდი სტაბილიზაციით ხასიათდება.
გრიპის ვაქცინაცია უფასოდ ტარდებოდა 30 ნოემბრის ჩათვლით. დღეისთვის აცრილია 170 ათასზე მეტი ადამიანი. იმუნიზაცია მაღალი რისკჯგუფის პირებისთვის გრძელდება, ორსულებისთვის და სხვა კატეგორიებისთვის. დღესაც არის შესაძლებელი აცრა, პროგრამა გრძელდება. მნიშვნელოვანია რისკის ჯგუფში მყოფი პირები აიცრან”, – აღნიშნა გაბუნიამ.