გერმანიის კანცლერის აზრით, ნაკლებად სავარაუდოა, რომ რუსეთის პრეზიდენტი ვლადიმირ პუტინი უკრაინის წინააღმდეგ ომში დათმობებზე წავა. შოლცმა ასევე თავდაცვის დანახარჯების გაზრდის მნიშვნელობაზეც ისაუბრა.
“ყოველ ჯერზე, როდესაც პუტინთან ვსაუბრობ, ის ძალიან მკაფიოდ ამბობს, რომ რაღაცის დაპყრობა სურს. მას უბრალოდ ძალით სურს უკრაინის ტერიტორიის ნაწილის დაპყრობა. ამის მიუხედავად, პუტინთან მოლაპარაკებები გაგრძელდება, რადგან ასეთ მოლაპარაკებებს შეუძლია აჩვენოს, არის თუ არა კრემლში რამე ცვლილება უკრაინის ომთან დაკავშირებით.
წარსულში რუსეთის ხელმძღვანელობამ აჩვენა თავისი სამხედროების სისასტიკე, მაგალითად სირიასა და ჩეჩნეთში, სადაც მთელი ქალაქები წაიშალა,” – აცხადებს ოლაფ შოლცი.
კომენტარები