ადრე კვლევის შედეგებში საერთოდ არ ვიყავით, ახლაც ტარდება კვლევები და არ ვართ, ამ კონრეტულ შემთხვევაში კი რადგან გამოვჩნდით, მადლობა უნდა ვუთხრათ კვლევის ავტორებს. კვლევის ეს შედეგი ისეთი ტიპის წესრიგით არის შედგენილი, რომ ჩვენნაირი პარტიებისთვის ცდომილების ზღვარი შეიძლება ისეთი იყოს, რომ ის ვერ გაძლევს რეალურ სურათს, – ამის შესახებ „გირჩის“ ერთ-ერთმა ლიდერმა იაგო ხვიჩიამ GORBI-ის კვლევებთან დაკავშირებით საუბრისას „ქრონიკასთან“ განაცხადა.
მისი თქმით, აინტერესებს როგორი რეიტინგი აქვს ახლა „გირჩს“.
„მე ძალიან მაინტერესებს, რამდენ პროცენტიანი რეიტინგი აქვს ახლა „გირჩს“ და რამდენი ადამიანი შემოხაზავს 36 ნომერს, არჩევნები რომ იყოს. მართლა ძალიან მაინტერესებს და ნეტავ, ვენდობოდერომელიმე კვლევას და ზუსტად ვიცოდე, რომ მე ახლა ვთქვათ 3% მაქვს. მაშინ ხომ ბევრად უფრო მშვიდად ვიქნებოდი და მეცოდინებოდა, რა ვაკეთო. ვინაიდან ეს შენი ჩატარებული არ არის და კონკურენტი ატარებს, რომელსაც პოლიტიკური მიზანი აქვს, ძალიან გაგიჭირდება თქვა, რომ შენი პროცენტი ნამდვილია, ან მოგწონს თუ არა ის“, – განაცხადა იაგო ხვიჩიამ.