„გირჩის“ წევრის, იაგო ხვიჩიას განცხადებით, მიხეილ სააკაშვილმა საკუთარი პოზიცია უნდა ჩამოაყალიბოს, „ქართული ოცნების“ წინააღმდეგ იბრძვის თუ მათ შეწყალებას სთხოვს.
იაგო ხვიჩია მიხეილ სააკაშვილთან დაკავშირებით ყოფილი თანამდებობის პირების განცხადებას გამოეხმაურა. როგორც ოპოზიციონერმა დეპუტატმა აღნიშნა, მიხეილ სააკაშვილის საკნის გასაღები ბიძინა ივანიშვილის ხელშია და მასზე რა იმოქმედებს გადამწყვეტად, არავინ იცის.
„ამ განცხადებაზე ხელმოწერა არც არავის არ უთხოვია და არც მგონია აუცილებელი, ჩვენს პოზიციებს ისედაც საჯაროდ გამოვხატავთ. ჩვენ რომ მიხეილ სააკაშვილის საზღვარგარეთ გადაყვანას ვითხოვდით, „ნაცმოძრაობის“ წევრები სად იყვნენ? „ნაციონალური მოძრაობისა“ და მიხეილ სააკაშვილის მიერ საბრძოლო სტრატეგია ჯერ კიდევ დასალაგებელია. სტრატეგია – ვკვდები და საზღვარგარეთ გადამიყვანე ერთი მიმართულებაა; მეორე სტრატეგიაა ქვეყანას მართავენ რუსები, მას დავამარცხებთ და დედას ვუტირებთ; შემიწყალე, შენი დედა ვატირე, არასწორი სტრატეგიაა – ან გთხოვ შემიწყალე უნდა იყოს, ან გაიქეცი შენი დედა ვატირე. „ნაცმოძრაობა“ უნდა ჩამოყალიბდეს, მათმა ამომრჩეველმა იცოდეს, რას აპირებენ“, – განაცხადა ხვიჩიამ.