ირაკლი კობახიძე – იმედი მაქვს, რომ ეს პროცესი წარიმართება ძალიან სამართლიანად და კორექტურად

საჯარო სამსახურში თანამშრომელთა ოპტიმიზაციის პროცესი წარიმართება ძალიან სამართლიანად და კორექტურად“, – ამის შესახებ პარლამენტის თავმდჯომარე ირაკლი კობახიძემ ტელეკომპანია „ტვ პირველის“ პირდაპირ ეთერში განაცხადა.
მისი თქმით, საჯარო სამსახურებში ოპტიმიზაციის საჭიროება არსებობდა. როგორც კობახიძემ აღნიშნა, აღნიშნული მოთხოვნა თავის დროზე ოპოზუიციასაც ჰქონდა.
ამასთან, კობახიძე მიიჩნევს, რომ საჯარო სამსახურში თანამშრომელთა რიცხვი ხელოვნურად არის გაზრდილი, რაც ახალ ხელისუფლებას მემკვიდრეობით 2012 წლიდან ერგო.
„საჯარო სამსახურში ოპტიმიზაციის საჭიროება არსებობდა და ამაზე ოპოზიციაც ძალიან აქტიურად საუბრობდა. ერთ-ერთი მთავარი მოთხოვნა ოპოზიციის იყო სწორედ საჯარო სამსახურში ხარჯების შემცირება. აქ საუბარი არ არის 10 პროცენტით თანამშრომელთა შემცირებაზე, საუბარია მთლიანად ადმინისტრაციული ხარჯების შემცირებაზე 10 პროცენტით, რაც სხვადასხვა მიმართულებით უნდა განხორციელდეს.
ჩვენ ვიცით, რომ ნამდვილად არის გაბერილი საჯარო სამსახურში საჯარო მოსამსახურეთა რიცხოვნობა, რომელიც არის ის რთული მემკვიდრეობა, რომელიც ჩვენ დაგვხვდა 2012 წელს.
2012 წლამდე საჯარო სამსახურს ბევრი სხვა ფუნქცია ჰქონდა შეთავსებული გარდა იმ კლასიკური ფუნქციისა რაც არის დამახასიათებელი საჯარო სამსახურისთვის. სრული მასშტაბით ოპტიმიზაციის განხორციელება გამორიცხულია იმისთვის, რომ ჩვენ მივიღოთ იდეალური სურათი. ოპტიმიზაციის თვალსაზრისით უნდა გადაიდგას ნაბიჯები. მე იმედი მაქვს, რომ ეს პროცესი წარიმართება ძალიან სამართლიანად და კორექტურად“, – განაცხადა ირაკლი კობახიძემ.
პარლამენტის თავმჯდომარის აზრით, საჯარო სამსახურის სისტემა დაიხვეწოს.