„პატრიოტთა ალიანსის“ წევრებმა „ნაციონალური მოძრაობის“ დეპუტატის, ზურაბ ჭიაბერაშვილის პარლამენტში სიტყვით გამოსვლა გააპროტესტეს.
„შეთანხმება, რომელიც მიღწეული იყო მსოფლიო სავაჭრო ორგანიზაციაში რუსეთის გაწევრიანების სანაცვლოდ, შვეიცარული მხარის შუამავლობით, ამ დრომდე შეუსრულებელია“, – განაცხადა ჭიაბერაშვილმა.
ჭიაბერაშვილის გამოსვლას „პატრიოტთა ალიანსის“ წევრის ადა მარშანიას რეპლიკა მოჰყვა, სადაც დეპუტატი აცხადებს, რომ რუსეთი საქართველოში სწორედ „ნაციონალურმა მოძრაობამ“ მოიპატიჟა.
“თქვენ ხართ პორვოკატორები, თქვენ მოიპატიჟეთ რუსეთი აქ თქვენი პროვოკაციული პოლიტიკით”,- მიმართა ადა მარშანიამ ზურაბ ჭიაბერაშვილს.
ამის შემდეგ ადა მარშანიამ და ემზარ კვიციანმა ზურაბ ჭიაბერაშვილის გამოსვლა მაგიდაზე ხელების ბრახუნით გააპროტესტეს.
კომენტარები