ანდრია გვიდიანი სოციალურ ქსელში პოსტს აქვეყნებს.
“მოკლედ, ყალბი ქველმოქმედებით პოლიტიკური ქულების წერას ვერ ელევიან ქართველი პოლიტიკოსები. დღეს მთელი დღეა სოციალურ ქსელში მხვდება ამბავი, თუ ვითომ როგორ “აჩუქა” მამუკა ხაზარაძემ წალენჯიხაში სამ დევნილ ოჯახს საცხოვრებელი სახლები. თურმე როგორი კეთლი და როგორი უანგაროა.
სასაცილოა – საერთოდ რა ქველმოქმედებაზეა საუბარი?! სინამდვილეში, ქველმოქმედებად შემოსაღებული აქტი, სახელმწიფო ქონების ყიდვის სანაცვლოდ, სამი ოჯახისთვის საცხოვრებელი ფართების გადაცემის ვალდებულებაა!!! – ვალდებულება და არა კეთილი ნება.
კერძოდ, სახელმწიფო ქონების მართვის სააგენტომ წალენჯიხაში არსებული სახელმწიფო ქონების გაყიდვის აუქციონი გამოაცხადა. აღნიშნული ქონების სანაცვლოდ კი, ვალდებულების სახით არის გაწერილი, რომ შენობაში მცხოვრებ სამ დევნილ ოჯახს მყიდველმა საცხოვრებელი სახლები უნდა გადასცეს. ეს ქონება მამუკა ხაზარაძის შპს-მ იყიდა და იქ მცხოვრებ დევნილებს სხვაგან უყიდა სახლები. ეს არის სრული ისტორია მარტივად.
ძალიან უხერხულია, როცა ასეთი Fake ქველმოქმედების აქტით ცდილობს მამუკა ხაზარაძე პოლიტიკური დივიდენდების მოპოვებას.
P.S. – ან ვის ატყუებთ? ან რით ვერ გაიგეთ, რომ ტყუილებს მოკლე ფეხები აქვს? ან რატომ ფიქრობთ, რომ ამ ყალბი სპექტაკლებით ხალხის კეთილგანწყობას მოიპოვებთ?
P.P.S. – გაუგებარია ეს ყველაფერი პოლიტიკურადაც, პიარულადაც და, ცხადია, მორალურადაც.”