საქართველოს პრეზიდენტმა, გიორგი მარგველაშვილმა საქართველოს ყველა მოქალაქეს დღევანდელი დღე – დროშის დღე მიულოცა. სახელმწიფო დროშის დღესთან დაკავშირებით, გიორგი მარგველაშვილმა პრეზიდენტის ადმინისტრაციაში ღონისძიება გამართა, სადაც პრეზიდენტმა აფხაზეთის ომის მონაწილე ვეტერანებსა და იუნკერებს უმასპინძლა და ომის ვეტერანები მედლებით დააჯილდოვა.
„დღეს, როდესაც ჩვენ ვზეიმობთ ჩვენი სახელმწიფოებრიობის მთავარ სიმბოლოს, დღეს როდესაც ჩვენ აღვნიშნავთ იმ უმნიშვნელოვანეს ღირებულებებს, რასაც ჰქვია დამოუკიდებლობა და თავისუფლება, მაღლა აღმართული დროშა არის სიმბოლო სახელმწიფოებრიობის, არის სიმბოლო ამ სახელმწიფოში მცხოვრები ხალხის დამოუკიდებლობისა და თავისუფლებისა, არის სიმბოლო იმისა, რომ ჩვენ ერთმანეთისა და ყველას დასანახად აღვმართავთ დროშას იმისთვის, რომ ვთქვათ – ჩვენ გვაქვს უნარი, ვიყოთ თავისუფალი და დავიცვათ ეს თავისუფლება.
საქართველოს დროშა საუკუნეების წინ აღიმართა, როდესაც ჩვენმა წინაპრებმა შექმნეს დამოუკიდებელი სახელმწიფო და მაშინაც უშიშრად და თამამად, ძალიან რთულ ვითარებაში აღმართავდნენ ამ ალამს. ამ დროშის გამო და ჩვენი სახელმწიფოებრიობისთვის, ასიათასობით ჩვენმა წინაპარმა დადო თავი, მოიტანა დღევანდელ დღემდე სახელმწიფო, რომელმაც გაუძლო ჭირსა და ვარამს, გაუძლო უძლიერესი მტრების შემოტევას“, – განაცხადა მარგველაშვილმა.
მისივე თქმით, ჩვენი დროშა მრავალი საუკუნის მატარებელია და მრავალი ჩვენი წინაპრის ღვაწლითა და სისხლით არის გაძლიერებული,