„ხალხის ძალის“ დეპუტატი გურამ მაჭარაშვილი აცხადებს, რომ „ნაციონალურ მოძრაობის“ მუქარა ახლა უკვე ამომრჩეველზეც აღარ მოქმედებს.
„ნაციონალურ მოძრაობის“ მუქარა მგონი ახლა უკვე ამომრჩეველზეც აღარ მოქმედებს. ვის უნდა დაემუქრონ, თვითონ იშლებიან მარტივ მამრავლებად. რამდენ ნაწილად დაიშლებიან, ეს არის ახლა საკითხავი. რეალობა ის არის, რომ ამ რადიკალური ოპოზიციისა და „ნაციონალური მოძრაობის“ დღის წესრიგში რომ ჩაჯდა ამერიკის საელჩო, ეს არის ყველაზე დიდი პრობლემა. იმედი გვაქვს, რომ მომავალი ელჩი ასეთ დიდ შეცდომებს აღარ გაიმეორებს“, – განაცხადა მაჭარაშვილმა.
სასამართლოსთან დაკავშირებული საგამოძიებო კომისიის შექმნის საკითხი, პარლამენტში კენჭისყრაზე დღესაც გავა. ოპოზიცია აცხადებს, რომ თუ კვორუმი ვერ შედგა, ეს იქნება მორიგი საბოტაჟი ევროპული მომავლის წინააღმდეგ.