უცნაური ჩვევა აქვთ „ქოცებს“, კანონებს იღებენ, კარგიაო იძახიან და შემდეგ თავადვე არღვევენ. ვნახოთ, სადამდე მივა და საბოლოო ჯამში, გამოვა თუ არა საგამოძიებო კომისიის შექმნა სასამართლოსთან დაკავშირებით, – ამის შესახებ „გირჩის“ ლიდერმა, იაგო ხვიჩიამ განაცხადა.
„კონსტიტუციაში ცვლილება, რომელიც 50 კაცით საგამოძიებო კომისიის შექმნას ითვალისწინებს, „ქართული ოცნების“ შემოტანილია და თავიანთ მიღებულ კონსტიტუციას, თვითონ არღვევენ, ისევე, როგორც პრორუსული კანონის მიღებით არღვევდნენ“, – განაცხადა იაგო ხვიჩიამ.
რაც შეეხება ე.წ. ქოლცენტრებთან დაკავშირებით დროებით საგამოძიებო კომისიას, იაგო ხვიჩიას თქმით, „გირჩი“ კომისიის შექმნას მხარს უჭერს.
„ჩვენ მხარს ვუჭერთ ქოლცენტრებთან დაკავშირებით საგამოძიებო კომისიის შექმნასაც. ძალიან მნიშვნელოვანია, ქოლცენტრების მფლობელებისა და ხელისუფლების კავშირი დადგინდეს, რადგან მიგვაჩნია, რომ ხელისუფლების დახმარებისა და ჩარევის გარეშე ეს ამბავი არ გამოვიდოდა. ვინაიდან, მთავარი დამნაშავე, ვისაც ამ პროცესში ვეძებთ, მაინც ხელისუფლებასთან არის დაკავშირებული, ცხადია, ხელისუფლება ყველაფერს გააკეთებს, რომ კომისია არ შეიქმნას. როგორ შეიძლება, აიხსნას ის, რომ ოპოზიციის მთავარ დონორზე ასეთი სკანდალია, ხალხი ითხოვს კომისიის შექმნას და შენ ამას არ ქმნიდე. ეს ხომ აბსურდია, თუ თავადაც არ გაქვს კუდები არეული“, – აღნიშნა იაგო ხვიჩიამ.