დავით კეზერაშვილის განცხადებას, რომ უარს ამბობს „ფორმულას“ საკონტროლო პაკეტზე და არსებული წილის ნახევარს ტელეკომპანიის კოლექტივს გადასცემს, საპარლამენტო უმრავლესობის წევრი, ირაკლი ქადაგიშვილი აფასებს და აცხადებს, რომ ამ აფიორას ხანმოკლე სიცოცხლის დრო აღმოაჩნდა.
მისი თქმით, ეს იყო გამიზნული იმისკენ, რომ იმ მძიმე მდგომარეობიდან, რომელშიც კეზერაშვილი, ტელევიზია და ტელევიზიის თანამშრომლებიც აღმოჩნდნენ, ერთგვარი მანევრი გაეკეთებინა და ყურადღება გადაეტანა რედაქციისთვის წილების გადაცემაზე.
„ამით მან იფიქრა, რომ მოხდებოდა სიტუაციის დაშოშმინება, ყურადღების გადატანა, საკითხი ნელ-ნელა დროში დაკარგავდა აქტუალობას და ჩაიკარგებოდა. ამ აფიორასაც ხანმოკლე სიცოცხლის დრო აღმოაჩნდა“, – განაცხადა ირაკლი ქადაგიშვილმა.
კომენტარები