სააკაშვილის ჯანმრთელობის საკითხი მის გარემოცვას არ აინტერესებს. მათი ერთადერთი ინტერესია, რომ მოხდეს ამ საკითხის პოლიტიზება, – ამის შესახებ პარლამენტის ვიცე-სპიკერმა, არჩილ თალაკვაძემ განაცხადა.
მისი თქმით, ხელისუფლება კონსტიტუციითა და კანონის შესაბამისად იღებს გადაწყვეტილებებს და არა ვინმეს ზეწოლის შედეგად.
„სააკაშვილის ჯანმრთელობის საკითხი მის გარემოცვას არ აინტერესებს. მათი ერთადერთი ინტერესია, რომ მოხდეს ამ საკითხის პოლიტიზება და საქართველოსა და მის ხელისუფლებაზე განახორციელონ პოლიტიკური ზეწოლა. ჩვენ არ ვართ ის ხელისუფლება, რომელიც ზეწოლით იღებს გადაწყვეტილებებს; ჩვენ ვართ ხელისუფლება, რომელიც კონსტიტუციითა და კანონის შესაბამისად იღებს გადაწყვეტილებებს, ამიტომ კიდევ ერთხელ მოვუწოდებ მათ, დაანებონ თავი, სამარცხვინო, ძირგამომთხრელ კამპანიას საკუთარი ქვეყნის მიმართ და დაკავდნენ მართლაც ჯანმრთელობის საკითხებით“, – განაცხადა თალაკვაძემ.
აშშ-ის იუსტიციის დეპარტამენტის ინფორმაციით ირკვევა, რომ სააკაშვილზე საერთაშორისო მედიაში განთავსებული სტატიების უმრავლესობა ლობისტური კამპანიის ნაწილია.