ნაციონალური მოძრაობის პარტიული სიის დაკომპექტების პროცესზე ისაუბრა მიხეილ სააკაშვილმა გიორგი გაბუნიასთან ინტერვიუში.
„მე არ ვიყავი და მე არ დამიკომპლექტებია ეს სია, აქ ისინი წინასაარჩევნოდ ხშირად იყვნენ მაგრამ სია დაკომპლექტდა ისე, რომ მათ უარი თქვეს ყრილობის ჩატარებაზე წინასაარჩევნოდ. ეს იყო, თუ გახსოვთ, ერთ-ერთი დიდი კამათი, კამათი იმაზე კი არ იყო დიდგორზე უნდა ჩატარებულიყო ყრილობა თუ სადმე სხვაგან, კამათი იყო საერთოდ ყრილობა უნდა ჩატარებულიყო თუ არა. მათ არ დაუშვეს ყრილობის ჩატარება. იმიტომ რომ ალბათ თუ ყრილობა ჩატარდებოდა, სხვა სახის კონფიგურაცია მოხდებოდა სიაზე. სხვა კანდიდატები დადგებოდნენ და აქ იყო ჯგუფი, რომელიც თუ კარგად ნახავთ, მათი აბსოლუტური უმრავლესობა ერთად არის ნამუშევარი, ერთმანეთის მეგობრები არიან, ახლობლები არიან და ნეპოტიზმის ნიშნები შეიმჩნეოდა სამწუხაროდ,“ – აცხადებს მიხეილ სააკაშვილი.
ექსპრეზიდენტის თქმით, არჩევნების წინ მას არ ჰქონდა ბერკეტი, ხელი შეეშალა ამ პროცესისთვის.