საქართველოს 23 მოქალაქეს, რომლებიც ისრაელის აეროპორტში ორი დღის წინ დააკავეს, 26 იანვარს საქართველოში უკან დააბრუნებენ.
როგორც „კვირას“ საქართველოს საგარეო საქმეთა სამინისტროს პრესსამსახურში განუცხადეს, ამჟამად, საქართველოს 23 მოქალაქე ისრაელის სადეპორტო განყოფილებაში იმყოფება.
„საქართველოს მოქალაქეები, რომლებიც თბილისის საერთაშორისო აეროპორტიდან ისრაელში 2 დღის წინ გაემგზავრნენ, აეროპორტის შესაბამისმა სამსახურის თანამშრომლებმა საეჭვოდ მიიჩნიეს და ისრაელის საზღვარზე არ შეუშვეს, ისინი ამჟამად, ისრაელის სადეპორტო განყოფილებაში არიან მოთავსებულები და 26 იანვარს იგეგმება მათი უკან, საქართველოში დაბრუნება“, – აცხადებენ საგარეო საქმეთა სამინისტროში.
მედიაში გავრცელებული ინფორმაციით, ორი დღეა, ისრაელში საქართველოს 30-მდე მოქალაქეა დაკავებული და საქართველოს ხელისუფლებისგან დახმარებას ითხოვენ.
შეგახსენებთ, რომ 23 იანვარს თბილისიდან ისრაელში ტურისტული ჯგუფის წევრები გაფრინდნენ. ისინი აეროპორტშივე პოლიციის თანამშრომლებმა დააკავეს. მათ დაკავების მიზეზი არ განუმარტეს და საპატიმროში გადაიყვანეს.
www.kvira.ge