რა შემთხვევაში იკრძალება პირად საკუთრებაში არსებული ან სამსახურეობრივ- საშტატო იარაღის ტარება?

ქალთა მიმართ და ოჯახში ძალადობის წინააღმდეგ არსებული კანონი მკაცრდება. იუსტიციის მინისტრის განცხადებით, სტამბოლის კონვენციის სარატიფიკაციოდ, ქალთა მიმართ და ოჯახში ძალადობის წინააღმდეგ მომზადებული საკანონმდებლო ცვლილებების პაკეტის თანახმად, „ძალადობის ჩამდენ პირებს აეკრძალებათ პირად საკუთრებაში არსებული იარაღის ტარება, შეეზღუდებათ ან აეკრძალებათ სამსახურებრივ-საშტატო იარაღის ტარებაც, ხოლო თუკი პირი უკვე ფლობს იარაღს, დამცავი და შემაკავებელი ორდერების მოქმედების პერიოდში, ან დამცავი და შემაკავებელი ორდერებით განსაზღვრულ პერიოდში მას იარაღი ჩამოერთმევა“.
აღნიშნულია დოკუმენტში, მინისტრის განმარტებით, დაურეგისტრირებელ ქორწინებაში მყოფი პირების დაცვა, კანონში შეტანილი ცვლილებების მიხედვით, უკეთესად იქნება შესაძლებელი.
„უფასო იურიდიული კონსულტაციის მიღება, დროებით საცხოვრებელში (თავშესაფარში) ყოფნის პერიოდში 30-დღიანი შვებულებით სარგებლობა შეეძლება ოჯახს მიღმა ძალადობის მსხვერპლსაც. ძალადობის მსხვერპლი ქალებისათვის მოძალადის სასჯელისგან გათავისუფლების შესახებ ინფორმაციის დროულად მიწოდების ვალდებულება შეეხება ოჯახს მიღმა ძალადობის მსხვერპლსაც. ძალადობის მსხვერპლი ქალი, თუკი ის არ არის საქართველოს მოქალაქე, ოჯახს მიღმა ძალადობის შემთხვევებშიც შეძლებს, მიიღოს დროებითი ბინადრობის ნებართვა“, – აცხადებს იუსტიციის მინისტრი.